திராவிடம் வென்றது

முத்திப் போன வெறியர்கள்

தத்தி என்றனர் இவரை அன்று

கத்தி என புரிய வைத்தார் இன்று !

 

சுடலை என்றோரையும்

விடலை இவர்

வேட்டையை முடித்தார்

கோட்டையை பிடித்தார் !

 

முதல்வராகவே முடியாது என்று

ஜோதிடம், ஜாதகம் பெயரால்

கட்டம் சரியில்லை என்றனர் - சொன்னவர்

விட்டம் பார்க்க வீட்டிற்கு சென்றனர் !

 

வெற்றிவேல் வீரவேல் என்று

வெறி கொண்டு கிளம்பினார்கள் சத்தமாய்

முத்துவேல் கருணாநிதி ஸ்டாலின்

முடித்து விட்டார் அவர்களை மொத்தமாய் !

 

இலட்சிய வழியில் போர் தொடுத்தார்

இனப் பகைக்கு விடை கொடுத்தார்

பத்தாண்டு இருள் கிழித்த பரிதி

இனி எப்போதும் அவர் ஆட்சி உறுதி !

 

ஊடகமும் தேர்தல் ஆணையமும்

ஊரில் உள்ள எல்லாக் கட்சிகளும்

மறைமுகமாய் ஓரணியில் நின்றது

இறுதியில் திராவிடம் தான் வென்றது !

பொறுப்பேற்று சிறப்பார் பலர் - இவர் போல்

சிறப்போடு பொறுப்பேற்றார் எவரும் இலர் !

 

திசையெட்டும் பரவிடும் ஒளியாய்

திக்கற்றவர்க்கு சரியான வழியாய்

திராவிடம் காத்திடுவார் விழியாய் !

 

வறியோரின் வயிற்றுக்கு பாலாய்

வலுவுள்ள கைகளுக்கு வேலாய்

பெருந்தொற்று காலத்து மருந்தாய்

கடும்பசி நேரத்து விருந்தாய்

வந்தார் தளபதி முதல்முறை

வாழ்த்திடும் எங்கள் தலைமுறை !!

 

- இராம. வைரமுத்து

கழக வழக்குரைஞர், மதுரை