புதுடில்லி, டிச. 4- பி.எஸ்.என்.எல். நிறுவனம் அடுத்த ஆண்டு செப்டம்பர் மாத வாக்கில் நாடு முழுக்க 4ஜி சேவைகளை வழங்க இருக்கிறது. 4ஜி சேவை வெளியீட்டை அடுத்து, முதல் ஆண்டில் பி.எஸ்.என்.எல். நிறுவன வருவாய் ரூ. 900 கோடியாக அதிகரிக்கும் என எதிர் பார்க்கப்படுகிறது. இதுபற்றிய அறிவிப்பு நாடாளுமன்றத்தில் வெளியானது.
பி.எஸ்.என்.எல். மற்றும் எம்.டி.என்.எல். இணைப்பு பற்றி வெளியான தக வல்கள் குறித்த கேள்விக்கு எழுத்துப் பூர்வமாக பதில் அளித்த தகவல் தொடர்புத் துறை அமைச்சர் தேவ் சிங் சவுகான், அந்த தகவல்களில் உண்மையில்லை என தெரிவித்துள்ளார்.
செப்டம்பர் 30, 2021 வரையிலான காலக்கட்டத்தில் பி.எஸ்.என்.எல். சொத்து மதிப்பு ரூ. 1,33,952 கோடி, எம்.டி.என்.எல். நிறுவன சொத்து மதிப்பு ரூ. 3,556 கோடி ஆகும். பட்ஜெட் ஒதுக்கீட்டில் பி.எஸ்.என்.எல். மற்றும் எம்.டி.என்.எல். நிறுவனங்களுக்கு 4ஜி ஸ்பெக்ட்ரம் வழங்க ஒன்றிய அரசு ஒப்புதல் அளித்து இருக்கிறது என்பது குறிப்பிடத்தக்கது.
No comments:
Post a Comment