உள்ளாட்சி இடைத் தேர்தல் 32 இடங்களில் 25 இடங்களை திமுக கைப்பற்றியது

சென்னை, ஜூலை 15 தமிழ்நாட்டில் 32 இடங்களில் நடைபெற்ற உள்ளாட்சி இடைத்தேர்தலில் 25 இடங்களை திமுக கைப்பற்றியுள்ளது.

ஊரக உள்ளாட்சிப் பகுதிகளில் 2 மாவட்ட ஊராட்சி வார்டுகள், 20 ஊராட்சி ஒன்றிய வார்டுகள், 40 கிராம ஊராட்சித் தலைவர் பதவிகள், 436 கிராம ஊராட்சி வார்டு உறுப்பினர் பதவிகள் என மொத்தம் 498 இடங்கள் காலியாக இருந்தன.

மேலும், நகர்ப்புற உள்ளாட்சிகளில் 2 மாநகராட்சி வார்டுகள், 2 நகராட்சி வார்டுகள், 8 பேரூராட்சி வார்டு உறுப்பினர்கள் என மொத்தம் 12 இடங்கள் காலியாக இருந்தன. இவற்றுக்கான இடைத்தேர்தல் கடந்த மாதம் அறிவிக்கப்பட்டது.

இதில், 4 ஊராட்சி ஒன்றிய வார் டுகள், 6 கிராம ஊராட்சித் தலைவர்கள், 292 கிராம ஊராட்சி வார்டுகள், தஞ்சாவூர் மாநகராட்சியில் 8-ஆவது வார்டு உறுப்பினர் ஆகியோர் போட்டியின்றித் தேர்வு செய்யப் பட்டனர்.

தேனி மாவட்டம் பெரியகுளம் நகராட்சியில் 26-ஆவது வார்டு உறுப் பினருக்கான தேர்தல், வழக்கு காரண மாக ரத்து செய் யப்பட்டது. மேலும், 3 கிராம ஊராட்சித் தலைவர்கள், 22 கிராம ஊராட்சி வார்டுஉறுப்பினர்கள் பதவிகளுக்கும், சிவகங்கைமாவட்டம் கானாடுகாத்தான் பேரூராட்சியில் 8-ஆவது வார்டுக்கும் வேட்புமனுக்கள் பெறப்படாததால், தேர்தல் நடைபெற வில்லை.

மீதமுள்ள 2 மாவட்ட ஊராட்சி வார்டுகள், 16 ஊராட்சி ஒன்றிய வார்டுகள், 31 கிராம ஊராட்சித் தலைவர் பதவிகள், 122 கிராம ஊராட்சி வார்டுகள், ஒரு நகராட்சி வார்டு மற்றும் 7 பேரூராட்சி வார்டு உறுப் பினர்கள் என மொத்தம் 180 பதவி களுக்கு மட்டும் வாக்குப்பதிவு கடந்த 9-ஆம் தேதி நடைபெற்றது. 12-ஆம் தேதி, 140 மய்யங்களில் வாக்குகள் எண்ணப் பட்டன.

இதில், மாவட்ட ஊராட்சிகளில் 2 இடங்களையும் திமுக கைப்பற்றி யுள்ளது. ஊராட்சி ஒன்றியங்களில் திமுக 14 இடங்கள், சுயேச்சைகள் 5 இடங்கள், காங்கிரஸ் ஒரு இடத்தில் வென்றுள்ளன.

மாநகராட்சிகளில் 2 வார்டுகளையும் திமுக கைப்பற்றியுள்ளது. ஒரு நகராட்சி வார்டில் நடைபெற்ற தேர்தலிலும் திமுகவென்றுள்ளது. 7 பேரூராட்சி வார்டுகளுக்கு நடைபெற்ற தேர்தலில் 6 இடங்களில் திமுகவும், ஓரிடத்தில் சுயேச்சையும் வென்றுள்ளதாக மாநில தேர்தல் ஆணையம் அறி வித்துள்ளது.

கட்சி அடிப்படையில் 32 இடங் களில் நடைபெற்ற தேர்தலில் திமுக 25 இடங்களில் வென்றுள்ளது. தேர்தல் நடைபெற்ற பகுதிகளில் நேற்றுடன் (14.7.2022) தேர்தல் நடத்தை விதிகள் முடிவுக்கு வந்தன.