புதுடில்லி, ஆக. 3- சிறு தொழில் மற்றும் நடுத்தர தொழில் நிறுவனங்களுக்கு ஆதரவு தேவை என்றும், இந்த துறை வளர்ச்சிக்கு தேவையானதை அரசு செய்யும் என்றும், ‘நிட்டி ஆயோக்’ அமைப்பு தெரிவித்துள்ளது.
தொழில் வளர்ச்சி ஆய்வுகள் கழகம் சார்பில், இணையம் மூலம் நடைபெற்ற நிகழ்ச்சியில் பேசிய நிட்டி ஆயோக் துணைத் தலைவர் ராஜீவ் குமார், ஒன்றிய அரசு மற்றும் ரிசர்வ் வங்கி, குறு, சிறு மற்றும் நடுத்தர தொழில் நிறுவனங்களின் நலனுக்காக பல்வேறு நடவடிக்கைகளை மேற்கொண்டு உள்ளதாக தெரிவித்தார்.
இந்த துறை பற்றி அதிகம் பேசப்பட்டாலும், துறை தொடர்பான சில சவால்கள் அண்மைக்காலம் வரை சரி செய்யப்படவில்லை என்றும் அவர் கூறினார். குறு, சிறு மற்றும் நடுத்தர தொழில் நிறுவனங்களில் 50 சதவீதத்திற்கு மேல் வருவாய் இழப்பிற்கு உள்ளாகிஉள்ளதாகவும், பெருந்தொற்று காலத்தில் மூன்றில் ஒரு நிறுவனத்தின் வருவாய், லாபம் பாதிக்கப்பட்டுள்ளது என்றும் தெரிவித்தார்.
இத்துறைக்கான வரையறை மாற்றப்பட்டுள்ளது மற்றும் தொழிலாளர் சீர்திருத்தம் ஆகியவை, இந்நிறுவனங்கள் பன்னாட்டு அளவில் வாய்ப்பு பெற வழி செய்துள்ளதாகவும் அவர் தெரிவித்தார். ஆய்வு பணிகளில் நிறுவனங்களில் அதிக கவனம் செலுத்த வேண்டும் என்றும் தெரிவித்தார்.
No comments:
Post a Comment