அய்யாவும் அன்னையும்
கற்றுத் தந்த வழியிலே
கழகம் காக்கும் பணியிலே
எண்பது ஆண்டு பொது வாழ்வு
ஏற்றம் பெற்றது பலர் வாழ்வு !
பட்டம் பதக்கம் பல பெற்று
பகுத்தறிவுப் பாதையில் நடந்தார்
சுயமரியாதை சுக வாழ்வால்
சோதனைகள் பல கடந்தார் !
இளைய தலைமுறைக்கு
இன உணர்வை ஊட்டினார்
தமிழினத்தின் பகை வெல்ல
தணலை தானே மூட்டினார் !
பெரியார் வழி செல்வதனால்
பெருமை என்ன கிடைக்குமென
கேட்டு கேலி செய்த கூட்டத்திற்கு
"உலகிலேயே சிறந்த மனிதநேயர்"
விருது கிடைக்கும் என்று காட்டினார்
தந்தை பெரியார் கொள்கைகளை
தரணி எங்கும் நிலை நாட்டினார் !
பெரியார் உலகம் அமைப்பதை
பெருங்கனவாக கொண்ட நம்
மானமிகு ஆசிரியர்
வாழ்க நூறாண்டு !!
- இராம. வைரமுத்து
வழக்குரைஞர், மதுரை
- - - - -
தமிழர் தலைவர் வாழ்க
தமிழர் தலைவர் வாழ்க
தமிழர் தலைவர் வாழ்க
வாழ்க வாழ்க வாழ்க -எங்கள்-
தமிழர் தலைவர் வாழ்க
தளராத உழைப்பாளர்
அயராத படிப்பாளர்
திராவிடத்தின் விளக்காளர்
விடுதலைக்கு பொறுப்பாளர்
எங்கள் -தமிழர் தலைவர் வாழ்க
களம் நின்று போராடும்
களப்பணியாளர்
பெரியார் மொழி தவிர வேறொன்று
பேசாத பேச்சாளர்
திராவிடம் என்ற தத்துவத்தின்
விரிவுரையாளர்
பெரியார் என்னும் தேசத்தின்
முதன்மை காப்பாளர்
வாழ்க வாழ்க வாழ்க -எங்கள்
தமிழர் தலைவர் வாழ்க
ஆரியத்தை இடித்துரைக்கும்
கருத்துரையாளர்
அறவழியை கற்றுத்தரும்
பேரருளாளர்
வேதநெறி விரட்டி நிற்கும்
பகுத்தறிவாளர்
மேதினியில் மானமிகு
சுயமரியாதைக்காரர்
வாழ்க வாழ்க வாழ்க -எங்கள்
தமிழர் தலைவர் வாழ்க
வாழ்வியலை கற்றுத்தரும்
சிந்தனையாளர்
வகுத்த பாதையில் சென்று காட்டும்
சாதனையாளர்
அணுவை கூட துளைத்துச் செல்லும்
கூர்மதியாளர்
வருமுன் உரைக்கும் சமூக நீதி
வானியலாளர்
வாழ்க வாழ்க வாழ்க -எங்கள்
தமிழர் தலைவர் வாழ்க
அணுகாது அகலாது
அரசின் தோழர்
வெண்தாடி வேந்தருக்கு
வாரிசுதாரர்
பொய் புரட்டு விரட்டியடிக்கும்
பகுத்தறிவாளர்
பெரியாரின் கொள்கையெனும்
பேருலகத்தின் பெருந்தனக்காரர்
வாழ்க வாழ்க வாழ்க -எங்கள்
தமிழர் தலைவர் வாழ்க
அண்ணன் தம்பி பாசம் காட்டும்
பண்புடையாளர்
எண்ணும் எழுத்தும் பெரியாரரெனும்
வாழ்வியலாளர்
கருப்பு சட்டை போட்டு வரும்
சூரியக்காரர்
விடுதலை ஆசிரியர் வீரமணி எனும்
பெரு வெடிப்பாளர்
- கோசின்ரா
No comments:
Post a Comment